महिलाले बनाइन् गरिबलाई सित्तैमा खानेकुरा दिने फ्रिज

एनआरएनपोस्ट संवाददाता
प्रकाशित मिति : २१ आश्विन २०७४, शनिबार १५:१५

भारतको चेन्नइमा एक महिलाले सामुदायिक फ्रिज स्थापना गरेकी छन् । पेशाले चिकित्सक रहेकी इसा फातिमा खानेकुरा फ्याँक्ने बानी हटाउन र गरिबलाई सित्तैमा खानेकुरा प्रदान गर्नका लागि यस्तो उपाय अपनाएकी हुन् ।

चेन्नइको बेसेन्ट नगरस्थित सार्वजनिक स्थानमा जडान गरिएको यो फ्रिजमा आम मानिस र होटल कर्मचारीले बचेखुसेको सफा खानेकुरा ल्याएर राखिदिन्छन् । त्यो खानेकुरा गरिब मानिसहरुको लागि काम लाग्छ ।

यो अभियानलाई इशाले अयमित्तु उन्न नाम दिएकी छिन् । यसको अर्थ हुन्छ, खाना खानुअघि यसलाई आवश्यक मानिसहरुलाई बाँड्नुहोस् ।

खाना मात्र होइन, फ्रिजनजिकै एउटा दराज र दानपात्र पनि छ । त्यहाँ मानिसहरुले खेलौना, कपडा, किताब तथा रकम पनि दान गर्न सक्दछन् ।
कम्युनिटी फ्रिजको अवधारणा विदेशमा धेरै प्रचलनमा रहेको हुँदा आफूले पनि त्यहीँ सिको गरेको इशा बताउँछिन् ।

फ्रिजमा राखिएका खानेकुरा रेखदेख गर्नका लागि उनले तलब दिएरै एकजना सुरक्षागार्ड राखेकी छन् ।

फेसबुक प्रतिक्रिया

सम्बन्धित शीर्षकहरु

© सर्वाधिकार प्रस्तावित ठकुरी क्रिएसन प्रालिमा सुरक्षित