हुम्लाबाट एक गर्भवती महिलालाई हेलिकप्टर मार्फत् उद्धार गरि सुर्खेतस्थित प्रदेश अस्पताल ल्याइएको छ ।
जिल्लाको चंखेली गाउँपालिका– ४ की ३४ वर्षीया बासना शाहीलाई जटिल गर्भावस्थाका कारण शनिबार नेपाली सेनाको हेलिकप्टर मार्फत् उद्धार गरी सुर्खेतस्थित प्रदेश अस्पताल ल्याइएको हो ।
दुर्गम भूगोल, सडक पहुँचको अभाव र समयको संवेदनशीलताका कारण हवाई उद्धार गरिएको हुम्लाका प्रमुख जिल्ला अधिकारी टेक कुमार रेग्मीले जानकारी दिए ।
स्थानीय स्तरमा आवश्यक सेवा नहुँदा आमा र शिशुको ज्यान जोखिममा परेको कारण गर्भवती शाहीलाई प्रदेश अस्पताल सुर्खेत पुर्याइएको उनले बताए ।
