त्रिभुवन अन्तर्राष्ट्रिय विमानस्थलमा नेपाली मुलका नागरिक तथा गैर आवासीय नेपालीका लागि छुट्टै डेस्क सञ्चालनमा ल्याइएको छ ।
त्रिभुवन अन्तर्राष्ट्रिय विमानस्थल अध्यागमन कार्यालयले विमानस्थलको आवागमन र प्रस्थान कक्षमा विशेष डेस्क स्थापना गरी सेवा दिन सुरु गरेको हो ।
यस अघि एनआरएनए र भिषा फ्री भएका मुलुक र व्यक्तिका लागि छुट्टै डेस्क स्थापना गरिएकोमा अब नेपाली मुलका विदेशी नागरिकलाई पनि छुट्टै डेस्कको व्यवस्था गरिएको त्रिभुवन अन्तर्राष्ट्रिय विमानस्थल अध्यागमन कार्यालयका प्रमुख अध्यागमन अधिकृत नरहरी घिमिरेले जानकारी दिए ।
नेपाली भाषा, संस्कृति र मातृभूमीप्रतिको सम्बन्ध अझ सुदृढ बनाउने, साथै पर्यटन र लगानी प्रवर्धनमा गर्ने उद्देश्यले यस्तो व्यवस्था गरिएको उनले बताए ।
